Outline ဆိုတာ open-source VPN tool ဖြစ်ပြီးတော့ Google ရဲ့ ကုမ္ပဏီအခွဲတခုဖြစ်တဲ့ Jigsaw က ပိုင်တာဖြစ်ပါတယ်။ Outline ကို အင်တာနက်ပိတ်ဆို့မှုတွေကို ကျော်လွှားဖို့နဲ့ ဆိုက်ဘာလုံခြုံရေး အတွက် ထုတ်ထားတဲ့ VPN တခုဖြစ်ပါတယ်။
………………………………………….
တခြား VPN တွေနဲ့ Outline VPN ဘာတွေ ကွာခြားသလဲ
တခြား VPN တွေ (1111, Express, Turbo, Surfshark, Thunder, etc..) နဲ့ မတူတဲ့အချက်က Outline က သူပိုင် server မရှိပါဘူး။
သုံးမယ့်သူက ကိုယ်ပိုင် server ထောင်ပြီး outline ကနေတဆင့် ချိတ်ဆက် သုံးရတာပါ။
Server setup လုပ်ရတာလည်း အရမ်းမခက်လို့ နည်းပညာအတော်အသင့်လိုက်စားတဲ့သူဆိုရင် ကိုယ်တိုင် လုပ်လို့ရမှာပါ။
ဒါမှမဟုတ် outline vpn server ထောင်ထားတဲ့သူဆီက ပေးတဲ့ key ကိုယူပြီး ချိတ်ဆက်နိုင်ပါတယ်။
………………………………………….
Outline VPN ကို စကစအနေနဲ့ ပိတ်(banned) လို့ ရပါသလား
VPN တခုကို ပိတ်တယ်ဆိုတာ App ကြီးကို သုံးမရအောင် (ဖွင့်လို့မရအောင်) ပိတ်လိုက်တာမဟုတ်ပါဘူး။
အဲဒီ VPN app ကနေ သွားရောက်ချိတ်ဆက်တဲ့ VPN server တွေရဲ့ IP (အင်တာနက်လိပ်စာ) တွေကို ပိတ်လိုက်တာဖြစ်ပါတယ်)။
ဥပမာ M-VPN ကို ပိတ်မယ်ဆိုရင် M-VPN က ပိုင်တဲ့ VPN servers တွေရဲ့ IP လိပ်စာတွေကို တန်းစီပိတ်လိုက်တာဖြစ်ပါတယ်။
Outline ကျတော့ သူ့ကိုယ်ပိုင် server တွေမရှိတဲ့အတွက် Outline ကို
ပိတ်လို့ မလွယ်ကူပါဘူး ( လုံးဝမရတာတော့မဟုတ်ပါ)
ကိုယ်ပိုင်ထောင်ထားတဲ့ Server ရဲ့ IP ကို သိမှသာ ပိတ်လို့ရမှာပါ။
ဒါကြောင့် စကစအနေနဲ့ လူသုံးများတဲ့ တခြား VPN တွေကို လိုက်ပိတ်သလိုမျိုး Outline ကို ပိတ်ဖို့ မလွယ်ကူပါဘူး။
ဒီဆာဗာကို ပိတ်လိုက်တယ်ဆိုရင် နောက် Server တခု ပြောင်းသုံးလို့ရပါတယ်။
Outline VPN ကို Windows PC, Mac, Android, iOS, Linux တွေ အားလုံးပေါ်မှာ အသုံးပြုလို့ရပါတယ်။
